Orchlon

Сингапурын аялал

2011-11-10T20:28:00.008+08:00

Яг жилийн ємнє Сингапур руу аялсан тухайгаа блогтоо оруулъя гэж бодлоо. Тэр їеэр нэлээн хэдэн бичлэг хийсэнээ ч оруулав. Нєгєє алдартай арслантай усан оргилуур дээр очсон боловч тэр маань аль хэдийн Сингапурын нїїр царай байхаа больчихож миний бодлоор :). Тїїний яг эсрэгээс нь харсан сїрлэг барилга нь Marina bay буюу дээрээ усан онгоц дамнуулан байрлуулсан загвартай 3 єндєр байшин. Дотроо макет нь байдаг юм байна.

Амьдаараа...

Дотроо олон їйлчилгээтэй бєгєєд хамгийн євєрмєц зїйл нь дээрээ зах ирмэг нь мэдэгдэхгїй усан сан байсан. Харахад мэдээж эвгїй, цаашаа уначихмаар харагдаж байлаа. Тэнд зєвхєн зочид буудлын їйлчлїїлэгчид нь сэлэх эрхтэй юм байна лээ.

За тэгээд дараачийн таалагдсан юм юу гэвээс, хєгжим. Нєгєє л дуртай зїйл маань нїдэнд тусаад бичлэг хийсэн боловч харамсалтай нь бусад дуу чимээнд Босоо ятга хєгжмийн эгшиг тод бичигдээгїй байна. Гэхдээ яахав, хэсгээс нь орууллаа. Усан онгоцон байшингийн 1 р давхарт зочдыг угтаж авах зорилгоор тоглодог юм байна.

Дараачид нь нээрээ Сентоза арал дээр очиж тоглолоо, паркад нь бас казинод нь :) Тэр казино дотор нь хэдэн дуучин, хєгжимчин бїсгїйчїїд олон хэл дээр дуулж байсаны дотор орос дуу их дуулж байсан нь их содон байлаа. Маш доргио, гоё дуулж байсан боловч камер маань цэнэггїй болоод бичиж чадаагїй харамсалтай юм болсон. Бидэнд газарчилсан Ф.Лид талархах хэрэгтэй билээ.

Хїн гэж...

2010-03-09T14:35:00.001+08:00

Буруу биш зєв сэтгэлтэй явбал
Бурхан биш хїн чамайг аварна...
Булзаж мэхэлж хорон санаатай явбал
Буг биш хїн чамайг хорлоно...

Живы покуда...

2010-02-17T19:35:00.004+08:00

Живы покуда, любите друг друга, люди,
Жалеть для других никакого добра не нужно!
Неласковых слов остриём сердце моё не раньте!
Никого к краю пропасти чёрной вы не толкайте.
Спившегося увидев, не потешайтесь, не смейтесь,
Статься ведь может, тебе он в отцы годится.
Сам если ты преуспел, славы достиг и достатка -
Счастья засов остальным распахнуть поспеши,
Следом пойдя, сей услуги пускай не забудут!
Требуется ли кому-то одно только доброе слово -
Ты отыскать потрудись, а нашедши - приободри.
Тепло на солнышке, холодно в собственном доме -
Такое бывает нередко на этой земле .
Любящего тебя хорошего, славного юношу
Ледяным словом, девица, не охлади, не гони.
Лаской ответь тому, кто любил тебя,
Лучше ли разве быть тебе без любви?
Наши ведь жизни схожи,
Наши слова одинаково гложут гортань,
Наша слёза по щеке точно так же стекает,
Наши пути пресекает один перекрёсток.
Смахни слезинку у женщины, не спрашивая ни слова,
Споткнувшегося и упавшего ребёнка ты успокой.
Нынче смеёшься ты, а послезавтра рыдаешь.
Невесел сегодня, завтра ты будешь петь.
Наша дорога - от колыбели до гроба, -
Нужно ли больше причин, чтобы друг друга любить?
Не будет нужды никакой любящему весь мир.
Свет души человечьей дарит счастье, сияя,
Словно златое солнце, что наш освещает дом,
Стезе нашей жизни имя - любовь, я понял.
Счастью людскому имя - быть любимым другим.

Миний нэгэн авъяаслаг найз

2010-02-17T18:59:00.013+08:00

Миний олон найз нарын нэг болох маш авъяаслаг Орос залуу байдаг юм. Зураг зурна, хөгжим тоглоно, шүлэг зохионо, гадаад хэл, бурхны шашин, соёл судлана, тэр тусмаа Монгол хэлийг маань төрөлхи хэл шигээ сурах гэж бие дааж үздэг хичээнгүй хүн бий. Гадаад хэл сайн сурахын тулд орчуулга сайн хий гэсэн зарчимтай тул тэрээр миний хайртай яруу найрагч О.Дашбалбар агсаны "Амьддаа бие биенээ хайрла" шүлгийг өөрийн хувилбараар Орос хэлрүү орчуулсан юм. Мэдээж ийм мундаг шүлэг аль хэдийн олон хэл дээр орчуулагдсан байх байх л даа. Гэхдээ мэдээж хүн болгон өөрийн ойлгосноор орчуулах учир сонирхолтой байх байх. Миний хувьд маш чадварлаг орчуулсан гэж боддог. Мөн түүний бас нэг авъяас болох зургийн бүтээлийг дэлгэн үзүүлэхээр найзааасаа зөвшөөрөл авсаны дагуу хэдэн зургийг блогтоо орууллаа. Ингээд сонирхоно уу. Харин шүлгийг дараагийн бичлэгээр оруулъя.

Энэ зураг дээр буддийн шашны бурхныг христийн иконтой хослуулан зурсан өвөрмөц бүтээл байгаа юм.

Нэгэн бодол

2010-02-05T22:45:00.020+08:00

Ингэж хааяа нэг бодогддог юм л даа. Бидний амьдарч байгаа дэлхий зах хязгаар нь барагдахгүй уужим бөгөөд хязгааргүй том ертөнц гэж. Гэвч сансар огторгуй дахь од, гаригийн түүчээтэй дэлхийгээ харьцуулсан байгааг олж харахад дэндүү өрөвдмөөр, дэндүү жижигхэн гэж харамсалтай ч юм шиг сэтгэгдэл төрнө. Нар маань дэлхийгээс 109 дахин том хэдий боловч аварга том гигант однуудын дэргэд бол бяцхан үрэл шиг харагдах юм.

Дэлхий маань сансрын уудмаас ямар үзэсгэлэнтэй, гоё сайхан харагдаж байгааг харж байгаа байх. Гэвч энэ сайхан дэлхий дээр маань харагдаж байгаа шигээ сайхан зүйлс л дандаа өрнөж байдаг болов уу.

Үргэлжийн мөнхийн дайсагнал, алаан хядаан, дайн дажин, өлсгөлөн, гуйланчлал, өширхөл, бие биенээсээ давах гэсэн хүмүүний ахархан биед баймгүй ихээхэн шунал нь мөнхөд оршсоор ирж. Чадахгүйгээ хүчээр булаах, чадахыгаа залилан мэхлэх гэх зэргээр муу муухай болгон энэ дэлхийд шүглэж, энэ уужим талбайд багтаж ядан тэмцэлдэх юм даа.

Үүний үр дүнд гуйлгачлал, ядуурал дээд цэгтээ хүрч, хорвоод бусадтайгаа ижилхэн амьдрах эрхээ авсан хүмүүс бусдын адил жаргалтай, зовлонтой амьдрах эрхгүй байх юм даа. Хэн нэг азтай нь баян айлын эрх танхи дураараа нэгэн болж өсч байхад, азгүй нэгэн нь амьдрах орон ч үгүй, үгээгүйн дээд үгээгүй болж төрнө.

Гэтэл хаа нэгтээ нөгөө баян тансаг хүмүүс нь өөрт буй мөнгөө үрэх гэж үйлээ үзэж зовж явах юм даа. Алтадсан суултууртай жорлонтой унтлагын өрөө хийлээ, сандал ширээгээ .... мянган доллараар захиалан тэр улсаас авчрууллаа.. гэх мэтчилэн учир нь олдохгүй зангууд гаргаад л.. бусад нь өдөр өдөрт турж үхсээр л.

Сонин шүү энэ хорвоо.. ийм л байх ёстой юм болов уу?

Бээжинд

2010-02-04T19:37:00.004+08:00

Ноднин бас нэг сургалтаар Бээжин орлоо. Түрүүчийн удаа явахад баригдаж дуусаагүй байсан учир сая явахдаа Олимпийн нээлт болсон Шувууны үүр цэнгэлдэх хүрээлэн болон Усан шоог зорин байж очиж үзлээ. Найман сарын халуу шатсан өдөр маш шахуу графиктайгаар хятад найз охиноороо газарчлуулан, хэлмэрчлүүлэн явав. Хэрвээ өөрсдөө явсан бол ч үнэхээр бүтэхгүй бололтой. Тэгээд нөгөө хоёр алдарт барилга дээр очиход хөл хөдөлгөөн ихтэй, түмэн улсууд цугласан газар байдаг юм байна. Усан шоо нь цэв цэнхэрээр гэрэлтээд харин цэнгэлдэх хүрээлэн нь улаан өнгөөр гэрэлтээд харсан хүнд гоё сэтгэгдэл үлдээх юм. За тэгээд яаж зүгээр байхав, аппаратаараа бяцхан бичлэн хийгээд амжсанаа тавьлаа.

Аа нээрээ 2 дахь бичлэг дээр нь Усан шооны хажууханд орой бүр Хятадын хөгшчүүл цуглаж уламжлалт бүжгээ хийдэг юм байна. Эрүүл мэнддээ анхаардаг сүрхий улс шүү. Зарим хөгшчүүл нь үнэн цоглог юм аа. За тэгээд бичлэгнээс харагдана байх.

Сургамжит үлгэрүүд 2

2009-10-29T20:33:00.007+08:00

ГУРВАН БАРИМАЛ

Хөрш 2 улсын хаад өөр хоорондоо дайтахгүй боловч төрсөн өдөр болон бусад баярын өдрүүдэд бие бие рүүгээ өвөрмөц сонин бэлэг явуулж ухааныг нь шалгадаг байжээ.
Хаан нэгэн өдөр улсынхаа хамгийн алдартай уран барималчинг дуудуулжээ. Түүнд ийн хэлэв:
"За барималч минь, би чамаар нэг сөөм өндөртэй, алтаар хийсэн, яг адилхан гурван хүн хөшөө хийлгэмээр байна. Гэвч тэдний хооронд энгийн боловч маш том ялгаа байх болно. Үүнийг чи бид хоёроос өөр хэн ч мэдэх ёсгүй" гэлээ. Уран барималчин ч богино хугацаанд хааны зарлиг ёсоор гурван хүн хөшөөг хийж дуусгав. Хаан тэднийг хөрш улсынхаа хаанд бэлэг болгон илгээхдээ дэргэд бас нэг захиа илгээсэн байжээ. Тэрхүү захиандаа:
"Танд төрсөн өдрийн бэлэг болгож энэ гурван баримлыг илгээлээ. Энэ гурав өөр хоорондоо адилхан харагдаж байж магадгүй. Гэвч эдгээрийн зөвхөн нэг нь л маш хүндтэй шагнал юм шүү. Түүнийг олохоороо надад мэдэгдээрэй" гэж бичсэн байв.
Бэлгийг хүлээн авсан хаан учрыг нь олохын тулд эхлээд гурвууланг нь жигнэж үзтэл тэд хоорондоо граммаараа хүртэл яг адилхан байв. Аргаа барсан хаан улсынхаа урлаг соёлыг ойлгодог бүхий л хүмүүсийг дуудаж тэднээр харуулж шинжүүлсэн боловч харамсалтай нь хэн ч учрыг нь тайлж чадсангүй. Ийнхүү улс даяараа арга мухардан шаналж байтал хаант төрд тэрсэлсэн хэргээр гянданд хоригдож байгаа нэгэн залуугаас мэдээ иржээ. Энэ залуу оюун ухаан төгс нэгэн боловч хааны зарлигийг эсэргүүцсэн хэргээр гянданд хоригдож байгаа юмсанж. Залуу баримлуудыг сайтар ажиглаж үзээд тэднээс нарийн утас авчрахыг шаарджээ. Залууд утсыг өгтөл:
Нэгдэх баримлын чих рүү утсаа хийтэл түүний амнаас нь гарч ирэв.
Хоёр дахь баримлын мөн чих рүү нь хийтэл түүний нөгөө чихнээс нь гарчээ.
Гурав дахь баримлын чих рүү нь хийтэл түүний ямар ч газраар нь гарч ирсэнгүй. Түүнд ердөө утас орох нарийхан нүхнээс өөр онгорхой байсангүй. Тэгээд хаан учрыг олсонд их баярлаж баримлыг илгээсэн хаан руу ийн хариу захиа бичин илгээжээ.
"Чихээрээ сонссоноо амаараа гаргадаг хүн бол сайн хүн бишээ. Нэг чихээрээ сонссоноо нөгөө чихээрээ гаргадаг хүн надад таалагддаггүй. Чихээрээ сонссоноо зүрхэндээ хадгалдаг хүн жинхэнэ сайн хүн. Ийм эрхэм хүндтэй бэлэг явуулсан танд баярлалаа" гэжээ.

"Эмпати" төвөөс эрхлэн гаргадаг "Сургамжит үлгэрүүд-3" номноос...

Турк улсад

2009-07-19T13:24:00.014+08:00

Ноднин Туркийн Cтанбул орохдоо энэ бичлэгийг хийсэн юм. Ази, Европыг заагласан Bosphorus-н хоолойны хойд хэсэгт нь байдаг ордон. Яг юуны ордон гэдгийг нь мартчихжээ. Сурвалжлахаар яваагүй болохоор. :) Харин энэ бол амралтаараа гудамжинд хөгжим тоглож мөнгө олж, нэг ёсондоо дадлагаа ч хийж байгаа консерваторын оюутнууд юм байна. Эдний бичлэгийг нь өөр компъютерт хийчихсэн байсан чинь эвдэрчихсэн байна. Зассаных нь дараа оруулнаа. Үнэхээр гоё уянгалаг хөгжим байсан. Голд сууж байгаа эмэгтэйнх нь тоглож байгаа нь ёочинтой их төсөөтэй, яг л ёочин харагдаж байна лээ дээ.

Эх орны бүтээгдэхүүн

2009-07-17T21:37:00.016+08:00

Бидний эх оронч, үндсэрхэг үзэл маань хаана, хэзээ, хэдийд, ямар нөхцөлд гарах хэрэгтэй вэ, ямар байдлаар үүнийгээ илэрхийлэх вэ гэж олон хүн боддог байх. Зарим нэг нь цээжээ дэлдэж, би Монгол хүн, Монголоороо бахархаж байна гэж хэлж ярьж, өөр үндэстний иргэдийг дарамтлах, зодох, эд хөрөнгийг булаан авч, Монголоос зайл гэж хэлэх хэрэгтэй гэж үздэг. Харин жинхэнэ үндсэрхэг үзэл, эх оронч сэтгэлгээ маань дотоодын бүтээгдэхүүнүүдээ хэрэглэх, орчин тойрондоо хүндэтгэлтэй хандах, байгаль орчноо бохирдуулахгүй байх зэргээр илэрхийлэгдэх ёстой гэж би үздэг.

Монгол бүтээгдэхүүний хувьд хямд, чанартай, сайн бүтээгдэхүүнүүд зөндөө байдгийг захаас нь танилцуулъя.

1.Ичкрем компаний гоо сайхны бүтээгдэхүүнүүд, тэр дундаа сүүн шингэн, биеийн тос, гарын тос нь ямар ч гадны бүтээгдэхүүнүүдээс дутахгүй хийгдсэн байна лээ.
2.Ариун гэдэг "0"-н цаас. Солонгос, Хятад, Оросын цааснуудаас /Оросын бор цаастай харьцуулах шаардлагагүй/ хол давсан хөвсгөр, зөөлөн, цагаан. Хэрэглээнийхээ хэмжээгээр авч болохоор олон төрлөөр ууталсан, боловсронгуй болсон байна лээ.
3.Эко-Эрдэнэ ХХК, Еден ХХК-ны жимсний чанамалууд бол бусад импортын варенуудтай харьцуулалтгүй амттай, жинхэнэ байгалийн цэвэр бүтээгдэхүүн болж чадсан байна. Нэрсний, Аньсны гээд л...
4.Сүүлийн үед СҮҮ ХК-ны бүтээгдэхүүний төрөл олширч олон гоё юм хийдэг болжээ. Саяхан авсан монгол масло нь бол яг өрөм л гэсэн үг. Урьд нь Монгол масло гэхээр давстай гашуун юм санагддаг байсан бол энэ удаад өөрчилж чаджээ.

гэх мэтчилэн олон гоё бүтээгдэхүүнүүд гарч байгаа учраас хэрэглэж заншихыг уриалж байна. Энд мэдээж гадны өргөн хэрэглэгддэг бүтээгдэхүүнүүдтэй өрсөлдөж байгаа бүтээгдэхүүнийг орууллаа. Мэдээжийн хэрэг миний мэддэггүй олон бүтээгдэхүүн байгаа гэж найдаж байгаа. Та бүхний мэддэг зүйлс энд байхгүй бол хэлж өгч туслаарай :)

Би эднийхээ зургыг нь оруулъя гэж бодсон чинь олдохгүй байна. Дараа олдвол нөхөж оруулнаа.

"Signature"

2009-06-13T00:53:00.006+08:00

Дандаа л бухимдаж явдаг хүн аятай баахан л бухимдалтай зүйлсээр блогоо дүүргэчихлээ. Тийм болохоор бага зэрэг өөдрөг зүйл тавья гэж бодоод Авъяаслаг Британчууд тэмцээнд оролцсон бүжгийн хамтлаг "Signature"-н бичлэгүүдийг орууллаа.

Эхний шалгаруулалтын бүжиг
Дараагийн шатных
Сүүлийн шалгаруулалт

Итгэл үнэмшил гэж юу вэ

2009-06-12T23:33:00.008+08:00

Хүн төрөлхтөн оршин тогтносоор ирсэн олон зуун жилийн хугацаанд Шашин гээч зүйлийг шүтсээр ирсэн байх юм. Анхны үүсэл нь чулуун зэвсгийн үед тэнгэр дуугарч цахилгаан цохих, гал түймэр гарах, араатан амьтан дайрч довтлох зэргээс айж, өөрсдөөс нь холдуулж аюулгүй байлгахыг хүсч эхэлсэнээс үүдэлтэй гэдэг билээ. Тэр үедээ бүдүүлэг харанхуй хүмүүс яагаад тэнгэр дуугардаг юм, юунаас үүдэж гал түймэр гардаг юм зэргийг шинжлэх ухааны үүднээс тайлбарлаж чадахгүйн улмаас хий дэмий л хоосон байхгүй зүйлд мөргөж, шүтэж ирсэн. Шашин мэдээж сайн муу 2 талтай зэрэг олон зүйлээр батлагдаж, сайнаасаа илүү муу үр дагавартайгаа харуулж байдаг.
Саяхан ямар ч билээ нэг FM сонсоод сууж байтал нэг нэвтрүүлэг явж байнаа. Тулга гэдэг нэртэй лам /үзмэрч????/ шууд холбогдож байгаа сонсогчдоос Нэр болон Төрсөн оныг нь асуугаад, ямар асуудалтай байна түүнийг нь бүтэх эсэхийг нь хэлж өгдөг юм байна. Мэдээлэл бүрэн бол шагай хаяаад харах, мэдээлэл тодорхой бус бол 41 чулуу татдаг юм байна.
Холбогдож байгаа сонсогчид нь өөрт тохиолдсон янз бүрийн л асуудлаа асуух юм. Нэг охин утасдаж байнаа. "Би одоо гадагшаа явж сурах гэж байгаа юм л даа, тэгсэн бүтэх эсэхээ мэдэхгүй байна, та хараад өгөөч гэж, Тулга лам 4 шагайгаа хаяж, үзсэний дараагаар чиний явах тун бүтэх нягууртай, зөвхөн маш сайн л хөөцөлдөх хэрэгтэй юм байна гэж", дараагийн нэг оролцогч нь "Би найз залуутай юм л даа, Ган.... гэдэг юм, бид цаашдаа яах бол, гэрлэх болов уу гэж асуулаа, лам үзээд тиймээ та 2 тохирно, эхлээд хүүтэй болоод дараа нь охинтой болно за та 2-т баяр хүргэе" гээд яг л хуримын ордоны зохион байгуулагч баяр хүргэж байгаа юм шиг л юм болж байна.
Нэг залуу "би газар зарах гэсэн юмаа, зарагдах нь уу яах нь уу" гэж байна. Тэгээд нөгөө лам чулуугаа татаж үзээд "Чи зарах юм байна, чиний ойрхон байгаа хүндээ зарах юм байна" гэж байх юм.
Мэдээж энэ үйлийн цаана сэтгэлийн дэм өгөх, сэтгэл засах зэрэг сайн сайхан зүйл байгаа боловч эдгээр асуулт тавьж байгаа залуус өөрсдийн хийж байгаа зүйлдээ яагаад ч юм итгэлгүй, бүтнэ маш сайн байна гэвэл гадны хүчинд найдаад анхаарал суларч назгайрах асуудал үүсэх талтай. Хамгийн өөртөө итгэлгүй хүмүүс шашинг тэгтлээ шүтэж, өргөл барьц барьж явдаг гэж боддог, мэдээж үүнд хэсэг бүлэг хүмүүсийн тухайн нөхцөл байдлаас үүдсэн асуудалтай холбоотой үүсдэг байх. Ямартай ч нийтлэлч Баабарын Шашныг өмөөрөхүй дээр нэлээн бодит үндэслэлээр шашинд итгэгчдийг хувааж авч үзсэн байна лээ.
Би өөрийгөө шашингүй гэж үздэг боловч уг бүлгийн нэг хэсэгт орчихсон л явж байх. Байнга шүтэж, шүтээн залж, гандан орж ном уншуулахгүй ч Хэн нэг бүрлээчийн араас буяны ном хуруулж зам мөрийг тэгшлэхээр, өвчин зовлонд өвдөг сөхөрсөн үедээ ламаас арга чарга гуйж очих зэргээр ямар нэг байдлаар шашинтай холбогдсон л байх болох нь.
Үүнд тэгтлээ муу зүйл байхгүй боловч сүүлийн үеийн Монголын залуусын шашинд хандах хандлага арай хэтэрч, байнгын өргөл барьц барьж, ном уншуулж, хүүхдүүдийг багаас нь лам хувраг болгох, энд тэндгүй суварга босгож үргүй зардал гаргах гэхчилэн яг л хувьсгалын өмнөх үеийн байдал давтагдах шинжтэй болж байгааг хараад үнэндээ сэтгэл зовниж байна.

Ядууралгүй нийгэм бүтээцгээе

2009-05-21T21:26:00.014+08:00

Ноднинхон гадагшаа явж сургалтанд суухдаа нэг номын дэлгүүрээс их гоё ном авсан юм. Бангладешийн Грамин банкыг/Grameen bank/ үүсгэн байгуулагч Энхтайвны Нобелийн шагналт Мухаммед Юнүс /Muhammad Yunus/ гэдэг хүний "Creating a World Without Poverty" гэсэн ном.
Уг номонд Мухаммед Юнүс Бангладешийн ядуучуудыг тэр тусмаа эмэгтэйчүүдийг хэрхэн өөрийн гэсэн бизнестэй болгох уу, өөрийн гэсэн эргэлтийн хөрөнгийн эхлэлийг нь яаж тавьж өгөх үү, Social Business буюу нийгэмлэг бизнесийн /яг юу гэж орчуулах юм бол сайн мэдэхгүй байна/ санаа яаж төрж түүнийг хэрхэн хэрэгжүүлж эхэлсэн талаараа бичсэн нь маш сонирхолтой болжээ.
Эдгээр хүмүүст бизнес эрхлэхэд нь туслах зорилгоор бичил зээл буюу маш бага хэмжээний зээлийг тухайн хүний бичиж ирсэн бизнес төлөвлөгөөг нь судалсаны үндсэн дээр олгож эхэлсэн байна. Ойролцоогоор 30-40 америк доллартай тэнцэх хэмжээний мөнгийг зээлж өөрсдийн жижиг бизнесээ эхлэхийг дэмжиж эхэлжээ. Энэ мөнгөөр жишээ нь: гар урлал, жижиг ферм, жижиг дэлгүүр нээх зэрэгт оруулж буй хөрөнгө оруулалтын хэмжээ болж байсан байна. Энэ зээлийн онцлог нь хувь хүмүүс бие биендээ мөнгө зээлж байгаа мэтээр итгэлцээд олгож байгаа нь юм. Ямар нэг хууль ёсны баримтууд бүрдүүлэхийг шаардахгүй зөвхөн гар гараа бариад л болоо.
Тэгээд эдгээр хүмүүсийн бизнес амжилттай явж байгаа эсэхээс хамаарч тухайн хүнд дараагийн зээл олгогдоно. Энэ нь урьдынхаасаа илүү их хэмжээтэй байх нь тодорхой юм. Гэхдээ эдгээр жижиг зээлийг олгох ажлыг яаж хийдэг, банкны ажилтнуудаа яаж ажилд нь өөриймсөг хандуулж, зээлээ төлүүлж /барьцаагүй зээл шүү!/ чадаж байсан нь бас нэг ухаан юм.
Яадаг вэ гэхээр, Грамин банк салбар болон ажилтнуудаа урамшуулах 5 шаттай арга хэмжээ явуулж байсан байна. Хэрвээ ажилтан олгосон бүх харилцагчдынхаа зээлийг /600 орчим харилцагч/ 100% төлүүлэх юм бол ногоон од олгоно. Хэрвээ энэ ажилтан хийж байгаа ажлаа ашигтай байлгаж чадвал өөр нэг од цэнхэрийг авах эрхтэй болно. Дараагийн эрх нь уг цэнхэрийг авч чадсан хүн олгосон зээлээсээ илүү хэмжээний депозит банкиндаа байршуулж чадвал ягаан одын эзэн болох юм. Хэрвээ уг ажилтны зээлдэгчдын үр хүүхдүүд сургууль цэцэрлэгт явж эхэлсэн нь тодорхой бол бор одны эзэн болох учиртай. Эцэст нь түүний бүх зээлдэгчид нь ядуурлаас ангижирч чадсан бол Улаан одны эзэн болж уг ажилтны энгэр дээр тодоос тод улаан од гялалзах юм. Энүүгээрээ уг ажилтан ажлаа маш үр дүнтэй хийсэн гэсэн бахархалтай болох юм.
Энэ нь зөвхөн ажилтнуудаа үр дүнтэй ажиллуулах арга ч биш харилцагчдынхаа нийгмийн сайн сайхныг бодитоор дээшлүүлэх улмаар ядуурлаас ангижруулах маш ухаалаг алхам нь харагдах болно.
Нийгэмлэг бизнесийн тухай цухас дурьдахад энэ нь Мухаммед Юнус-н тайлбарласнаар ногдол ашиг хуваарилахгүй, өөрөө өөрийнхөө өртгийг л дараад явах, ашиг гарахгүй байх бизнес санаа юм. Эзэд нь хөрөнгө оруулсан мөнгөө тэр чигээр нь буцааж авна. Ядуучуудад зориулаад чанартай, үнэтэй гардаг бүтээгдэхүүнийг өөрийнх нь өртгөөр тэдэнд нийлүүлж байх тухай олон жил бодож явсанаа хэрэгжүүлж эхлэхээр санаа шулуудаж Францын алдарт Даноне фирмтэй хамтарч Грамин-Даноне гэсэн хамтарсан нийгэмлэг бизнесээ эхлүүлсэн байна. Энэ чанартай, тэжээллэг хоол хүнсийг ядуучуудад хямдаар нийлүүлэх нь тэдний эрүүл мэнд, хүүхдүүд эрүүл чийрэг өсөн торниход чухал ач холбогдолтой нь тодорхой юм.

За энэ номыг гүйцэт уншиж амжаагүй байгаа учир ингэсгээд энэ удаадаа орхие. Олон хүмүүсийг ядуурлаас гарахад нь тусласан энэхүү буянтны маань Грамин банк өдгөө Дака хотод төвтэй, олон улсад салбараа нээж буянаа үйлдсээр байгаа юм байна.

Номын сан

2009-03-29T17:57:00.006+08:00

Өчигдөр нэг их сүрхий хүн болоод Д.Нацагдоржийн номын санд сууваа. Ямар ч том номын санд сууж үзээгүй байсан маань биелэгдлээ. Гэхдээ анх ороод л нөгөө сайхан юм хийх хүсэл, ном үзэх тухай бодол маань унтарч орхив. Ааштай бүртгэгчид тас загнуулж чив чимээгүй зогссон оюутан охидуудын харцнаас нөгөө эмэгтэйтэй аятайхан харьцаж маш тод тодорхой хариу хэлэх ёстойгоо ойлголоо. Гэхдээ аз болж /аймаар том аз/ би ч загнуулах юм гаргасангүй бололтой, нэг их олон юм үглэсэнгүй. Эсвэл энэ оюутан биш ажилладаг, бас царайнаас нь ааштай бололтой гээд юм хэлсэнгүй юм бүү мэд. За ямар ч байсан амжилттай бүртгүүлээд хувцсаа өлгүүлэх гэтэл түрүүнээс хойш уртын урт очер цуваа үргэлжилсэн байсан нь зөвхөн өлгүүрт очерлож байгаа хэрэг болж таарлаа. Би гэхдээ 30-40 минутын дараа хувцсаа хэрүүл уруултай нэг юм өлгүүллээ. Хэрвээ тэр оюутнууд шиг шударгаараа зогссон бол дор хаяж 2 цаг зогсохоор байв. Зогсч зогсч арайхийж нэг юм өлгүүр дээр иртэл өлгөхгүй ээ, 10 хүүхэд гарахыг хүлээж байж дараагийн хувцсаа авна гэнээ. Үгүй ээ, ямар ч байсан хувцсаа өлгүүлчихэе, энэ хавиар зогсож байгаад орох болохоор нь оръё гэтэл ямар ч найраа байхгүй гэнэ дээ. Энэ хүүхдүүдээс бушуухан гараасай гэж бодож зогсов, учир нь түрүүнээс хойш зогссон хөл ч өвдөж, нуруу ч чилж байв. 10 минут хүлээсний эцэст арайхийж нэг юм заландаа орох зөвшөөрөлтэй боллоо. Дараагийн удаад өлгүүрт удаан хүлээж зогсохгүйн тулд өглөө онгойх үед нь л ирж байх нь дээр гэдгийг мэдэрлээ. Хариуцсан дарга, цэрэг нь энэ замбараагүй байдлаа яагаад зохицуулж болдоггүй юм болдоо. Ганц цаг суух гэсэн биш 2 цаг хувцсаа өлгүүлэх гэж зогсоод ч яах юм билээ дээ.

Бас л болохгүй нь ээ

2009-02-27T19:29:00.003+08:00

Бусдын блогуудыг унших дуртай, блогын бичвэр бичих амархан мэт санагдавч санасны чинээгээр хялбар биш гэдгийг нь ойлгоод байна. Хичнээн хичээж, өөрийнхөө бодлыг бичих гэж оролдовч ямар нэг юм заавал дутаж байх. Энэ нь бодвол уран сайхны чадвар, сэтгэмж л их чухал шаардлагатай байдаг юм шиг байна.
Гэвч үүнээс илүү хэзээ ч хийж чадахгүй зүйл бас байна. Ургамлыг арчилж тордоод ургуулаад яваад байдаг хүмүүс байдаг ч би бас л чаддаггүй хэсэгт нь орох юм. Нэг сайхан цэцгийн үрийг тарих гэж олон жил оролдлоо. Хэзээ ч бүтэлтэй байсангүй. Нэг бол услахаа мартах, нэг бол харанхуй газар тавиад мартаад орхино, нэг бол хэтэрхий их услана.
Хэрвээ миний цэцэг ургаж эхлэх юм бол сайхан үнэртэй анхилуун сарнай болох ёстой. Гэвч жинхэнэ ягаан сарнайн үр мөн эсэхийг би даанч мэдэхгүй нь...

Бухимдал

2009-01-26T21:53:00.001+08:00

Сүүлийн үед яагаад ч юм урьдынхаасаа илүү ихээр бухимдах боллоо. Хаашаа ч харсан болж бүтэхгүй зүйл, идсэн уусан, хулгайлсан, шамшигдуулсан, хүнд суртал, худал хуурмаг дээрээс нь агаарын бохирдол гээд үнэхээрийн тэвчиж барахааргүй зүйл олон байна. Эрх мэдэлтнүүд энэ бүхнийг хараад яаж зүгээр сууж чадаж байгааг ердөө ч ойлгохгүй нь. Ер нь энэ ертөнц дээр шударга зүйл гэж юм байна уу.
Агаарын бохирдолттой тэмцэх нэрийдлээр өч төчнөөн мөнгө хий дэмий үрэн таран хийж, зарим нэгний бизнесийн арга болж эхэллээ. Харсаар байтал хэдэн жилийг үр дүнгүй өнгөрүүлж байгаагаа харж байгаа боловч хэн ч юу ч дорвитой арга хэмжээ авахыг хүсэхгүй байна.
Гэр хорооллын айлуудын гэрийг зузаан бүрээсээр бүрэх биш, зуухаа орчин үеийн болгох биш, нүүрсээ боловсруулаад ч биш орон сууцны асуудлаар энэ бүхнийг ойрын хугацаанд бүрэн хэмжээгээр шийдэх хэрэгтэй байна. Юу гэвэл социализмын үеийн их бүтээн байгуулалт шиг нийтийн орон сууцаар аль болох олон айл өрхийг хангаж, бодит ажлыг шуурхай хийх хэрэгтэй. Гэр хорооллоос ангижруулж бүх өрхийг нийтийн орон сууцаар хангасны дараа дараагийн тухтай амьдрах амьжиргааны орон сууцны хөнгөлөлт үзүүлэх хэрэгтэй.
Үүнийг дагаад ДЦС, ЦС зэрэг нь хүчин чадал шавхагдах тул нэмж барьж байгуулах асуудлыг нэн тэргүүнд тавих хэрэгтэй. Эрх ямбатнуудын идэж уусан хөрөнгөний хэмжээгээр нэг байтугай нэлээн хэдэн байгууламж барих боломж байсан байж магадгүй.
Үүний хажуугаар монгол хүн бүр үндэсний үйлдвэрлэлээ дэмжиж идэх, уух, өмсөж зүүхээ зөвхөн өөрийн орны бүтээгдэхүүнээр хангах хэрэгтэй. Энд зөвхөн хэрэглэгчийн тухай яригдахгүй үйлдвэрлэгчийн тухай яригдах ёстой байх. Борлогдож байгаа, гүйлгээтэй бараагаа удахгүй өөрчилж, чанар нь муудаж, бидний хэлдгээр хулхи болж эхлэх юм. Энэ л бидний эх орны бүтээгдэхүүний нэр хүндэд нөлөөлж, гадэы зах зээлд амжилт олохгүй байх нэг шалтгаан болж байх юм.
Миний сууж байсан нэг курсын Америк багш бидэнд "Та нар Монголын бүтээгдэхүүн авбал Монголдоо хөрөнгө оруулалт хийж байна, Америкийн бүтээгдэхүүн авбал америкт хөрөнгө оруулалт хийж байна гэсэн үг юм..." гэж хэлж байсан юм. Бидэн шиг ядуу орны иргэд Америкт хөрөнгө оруулна, Хятадад хөрөнгө оруулна гэсэн чинь юу гэсэн үг болж байна вэ. Бидэнд сонгох боломж байгаа бол Эх орныхоо бүтээгдэхүүнийг авч байя.

Сургамжит үлгэрүүд

2008-10-07T22:23:00.001+08:00

Өнгөрснийг бус, ирээдүйгээ авар
Нэгэн цаасны худалдаачин байн байн маш их бороо орж, үер буудаг нутагт арилжаа наймаа эрхэлдэг байжээ. Цаас бол жин ихтэй бараа. Дээд давхраас доош нь зөөх амаргүй тул бараагаа бүгдийг нь нэг давхартаа агуулдаг байжээ.
Бороо орох бүрийд дэлгүүрийн эзэн гадуураа урсч байгаа их усыг харан, "хэзээ л энэ их ус дэлгүүрт минь урсч орж ирээд хамаг цаасыг минь норгох бол" хэмээн түгшинэ. Нэгэн өдөр өнөөх хотод урьд өмнө нь орж байгаагүй ширүүн бороо орж, голын ус үерлэн, агшин зуурын дотор л дэлгүүрийн үүдний өмнүүр бяцхан горхи болон урсч эхлэх нь тэр. Дэлгүүрийн бараанууд шөлөн доторхи мах, ногоо адил хөвж эхлэв. Үерийн ус үүдээр нэмэн орж ирэхийг хэлэх үү, хэн нь ч хэрхэхээ мэдэхээ болиход дэлгүүрийн эзэн усан бороон дундуур ажиг ч үгүй гараад алхчихав. Ажилчид нь түүнийг хүмүүс авчирч туслуулах нь дээ гэж бодоцгоосон боловч тэрбээр оройн хэрд ганцаархнаа буцаж иржээ. Дэлгүүрийн цааснууд нороод, бүгд хаягдал болсон тул тэрбээр бүх цаасаа гарган хаяж, тэндээс нүүгээд, нэгэн хуучин байрны нэг давхрыг хөлслөн авч наймаагаа үргэлжлүүлэв. Гэхдээ энэ удаад түрүүчийнхээсээ гурав дахин их цаас авчираад зарж эхэлжээ.

Хэсэг хугацааны дараа тэр хотод түрүүчийнхээс илүү аймшигт үер буув. Олон хүн байшингийнхаа дээвэр дээр авиран гарч, улаанаараа эргэлдэн урсах үерээс амиа хоохойлж байлаа. Дэлгүүрийн эзэн ч мөн үүдэндээ зогсон гудамжнаа урсах үерийн усыг харж байсан хэдий ч дэлгүүрт нь харин юу ч тохиолдсонгүй. Тэр энэ удаад асар богино хугацаанд их ашиг олжээ. Учир нь бараг бүх цаасны дэлгүүрүүд усанд автсан тул албан газрууд, зохиолчид, хэнд цаас хэрэгтэй билээ, тэр бүхэн мөнгөө барин дэлгүүрийг нь сурагласаар ирнэ.

Нэг хүн түүнээс “Энэ өндөрлөг газрыг урьд нь яагаад анзаардаггүй байсан юм бол оо? Та харин яаж анзаарч олж харав?” гэхэд тэрбээр инээмсэглэн “Түрүүчийн үерт дэлгүүрээ усанд автуулчихаад, энэ бүхнийг яаж буцаахаа мэдэхгүй байлаа. Тэгээд би дэлгүүрээ аврах гэж тэвдэлгүй, хотоор баахан явж, усанд авталгүй үлдсэн газрыг хайсан юм. Тэгж явахдаа л энэ газрыг олсон доо. Энэ л “Өнгөрснийг аварч хэрхэвч чадахгүй, харин ирээдүйгээ авар” гэсэн үг гэдгийг ойлгуулсан даа” гэж ээ.

Цаг гарга

Бяр чадлын ундарга тул бодож сэтгэхдээ цаг гарга
Бага залуу харагдах тул тоглож наадахдаа цаг гарга
Орчлонгийн жам өршөөлгүй тул мөргөж сүсэглэхдээ цаг гарга
Оюун ухаан дундаршгүй тул уншиж мэдэхэд цаг гарга

Ариун хишиг бурханых тул хайр сэтгэлдээ цаг гарга
Аз жаргалын харгуй тул анд нөхөддөө цаг гарга
Зүрх сэтгэлийн дуулал тул инээж баясахад цаг гарга
Зүдрэх цаг ээлжтэй тул өглөг хишигт цаг гарга

Хүүхдийн сэтгэл эмзэг тул хүлээж сонсоход цаг гарга
Хөгшид бүхэн энэрэлтэй тул хүндлэн асрахад цаг гарга
Хөлс болгон шагналтай тул ажил хөдөлмөрт цаг гарга
Хүрэх диваажин нэхэлтэй тул буян хураахад цаг гарга

Нэгийг бодогдуулж байна уу?

10 жилийн сургууль дүүргэсний 10 жилийн ойгоор уулзав

2008-09-26T20:16:00.002+08:00

Залхуурлаас хөгжил ирдэг гэдэгт та итгэдэг үү

2007-08-25T14:53:00.004+08:00

Ийм нэгэн бодол толгойд минь заримдаа орж ирдэг юм. Яагаад гэвэл би өөрөө залхуурах их дуртай болохоор. Хүмүүс хөдөлмөрлө, ажилла гэж байнга ярьдаг боловч нэгэн жимээр байнга хийдэг зүйлээ хийгээд л давтаад л байвал ямар байх вэ. Ямар ч байсан бүх хүн аймаар ажилсаг байсан бол угаалгын машин, тоос сорогч... зэрэг ахуйн ажил хөнгөвчилж цаг хэмнэдэг хэрэгтэй зүйлсүүдийг санаачлахгүй л байсан шүү дээ. Үүнийг залхуу хүн л сэдсэн байж таараа :)). Жил ирэх тутам хүмүүс ажлаа хөнгөвчилж, цагаа хэмнэх үүднээс маш олон зүйлсийг сэдэж бүтээж байна. Гар утас маань нэг л өдөр ийм болох юм шиг байна, эсвэл болчихсон байгаа ч юм уу..??

Dashbalbariin goyo goyo shulguudiig olloo,

2007-07-19T10:36:00.003+08:00

О.Дашбалбар : Амьддаа бие биеэ хайрла...

Амьддаа бие биеэ хайрла, хүмүүсээ
Алив сайхан бүхнээ бусдаас битгий харамла!
Хэрэггүй үгийн зэвээр зүрхийг минь бүү шархлуул,
Хэн нэгнийгээ харанхуй нүх рүү битгий түлх!
Архинд орсон нэгийгээ шоолж бүү инээ,
Аяа, чиний аав чинь ч байж мэднэ шүү.
Амжиж, чи өөрөө алдрын зэрэгт хүрсэн бол
Аз жаргалын хаалгыг бусаддаа нээж өг!
Ачийг чинь тэд бас бүү мартаг.
Ганц сайхан үгээр дутаж яваа хүнд
Гарцаагүй түүнийг нь олж хэл.
Гадаа нартай ч, гэрт хүйтэн өдөр
Газар дээр нэг бус удаа тохиолдоно.
Чамд дурласан сайхан хөвгүүнийг
Чанга хатуу үгээр битгий гомдоо, бүсгүй минь
Чамайг хайрласных нь хариуд хайрла!
Чамаас сайхан хүүхэнд ч дурлаж ч болох шүү.
Бидний амьдрал ав адилхан,
Бидний хоолой дээр үг хүртэл нэг янзаар зангирч
Бидний хацар дээр нулимс хүртэл нэг янзаар бөмбөрч
Бидний зам дээр ав адилхан учрал тохиолддог!
Бүсгүйн доголон нулимсыг асуулгүйгээр арчиж
Бүдэрч унасан хүүхдийг дээр өргөн аргад!
Өнөөдөр чи инээж, нөгөөдөх уйлдаг ч
Өөр нэг өдөр чи гуньж, цаадахь чинь дуулна.
Өлгий, авс хоёрыг хүн бүхэн дамждаг болохоор
Өөр юу ч хэрэггүй, бие биеэ л хайрла!
Өргөн хорвоод хүн хайраар л дутаж болохгүй!
Аз жаргалыг би, хүний сэтгэлийн галаар төсөөлдөг болохоор
Алтан нар гэрлээ бидэнд ав адилхан хайрладаг болохоор
Амьд явахыг би бусдад хайраа түгээхийн нэр гэж бодном.
Аз жаргалыг би бусдаас хайр хүлээхийн нэр гэж ойлгоном!
1980 он, Москва хот.
О.Дашбалбар Шидэт ертөнц I боть, 2003 он.

О. Дашбалбар – Яах юм бэ?
[ 2007-02-08 ]
Шаналахгүй юм бол сэтгэл зүрхээр яах юм
Шартахгүй юм бол хатуу архиар яах юм
Цэнгэхгүй юм бол гоо охидоор яах юм
Цэцэглэхгүй юм бол гоё моносоор яах юм
Анхилахгүй юм бол ум зандангаар яах юм
Амраглахгүй юм бол уяхан охидоор яах юм
Үнсэхгүй юм бол ягаахан уруулаар яах юм
Үгүйлэхгүй юм бол ялдамхан харцаар яах юм
Уйлахгүй юм бол усан нулимсаар яах юм
Уулзахгүй юм бол гүн уйтгараар яах юм
Тэврэхгүй юм бол хоёр гараар яах юм
Тэвчээргүй юм бол хайр сэтгэлээр яах юм
Тоглохгүй юм бол хаш шатраар яах юм
Тоосрохгүй юм бол харгуй замаар яах юм
Дэгдэхгүй юм бол туулайн бүжингээр яах юм
Дэврэхгүй юм бол залуу насаар яах юм
Ургахгүй юм бол амууны үрээр яах юм
Урсахгүй юм бол гол усаар яах юм
Хашихгүй юм бол эрэг байгаад яах юм
Хашрахгүй юм бол алдаж, оноод яах юм
Шаргихгүй юм бол намрын тариагаар яах юм
Шатахгүй юм бол найраг шүлгээр яах юм

Ган тайлахгүй юм бол хур бороогоор яах юм
Газар хороохгүй юм бол хүлэг мориор яах юм
Ааруул даахгүй юм бол араа шүдээр яах юм
Авгай тоохгүй юм бол харцуул хүүгээр яах юм
Буруу номтон юм бол эрдэм заагаад яах юм
Буян хийхгүй юм бол амьд яваад яах юм
Цас будрахгүй юм бол өвөл байгаад ч яах юм
Цаг хожихгүй юм бол эрдэмтэн гээд яах юм
Ээжийгээ дээдлэхгүй юм бол толгой байгаад яах юм
Эх орноо хайрлахгүй юм бол иргэн байгаад яах юм
Ард түмнээ хүндлэхгүй юм ухаантай байгаад яах юм
Ах дүүсээ тэтгэхгүй юм бол төрөл байгаад яах юм
Итгэж залбирахгүй юм бол бурхан шүтээд яах юм
Инээж хөхрөхгүй юм бол амьд яваад яах юм
Гол горхи хоржигнохгүй юм бол хавар ирээд яах юм
Гоё цэцэг дэлбээлэхгүй юм бол зун болоод яах юм
Алсаас гялалзахгүй юм бол одод байгаад яах юм
Алтарсан навчис хийсэхгүй юм бол намар байгаад яах юм
Урдаас харж чадахгүй юм бол ирээдүйг дуудаад яах юм
Уймраа чавганц шиг юм бол залуу насаар ч яах юм
Уянгалан дуулахгүй юм бол хоолой заяагаад ч яах юм
Учирлаж сурахгүй юм бол хэлтэй байгаад ч яах юм

Саран наран үгүй юм бол тэнгэр цэлийгээд ч яах юм
Саруул ухаан үгүй юм бол тэнхээтэй хүнээр ч яах юм
Хавар, намар үгүй юм бол өвөл зунаар ч яах юм
Харанхуй шөнө үгүй юм бол гэгээн өдрөөр ч яах юм
Авъяас билэг үгүй юм бол яруу найрагчаар ч яах юм
Авах гээх нь үгүй юм бол судар номоор ч яах юм
Хортой дайсан үгүй юм бол буу сумаар ч яах юм
Ховор эрдэнэ үгүй юм бол эрэл сурлаар ч яах юм
Хол ойр нь үгүй юм бол орон зайгаар ч яах юм
Хоосон чанар үгүй юм бол бодитой байгаад ч яах юм
Цай чанах нь үгүй юм бол эхнэр аваад ч яах юм
Цамцаа оёх нь үгүй юм бол нөхөрт гараад ч яах юм
Үйлс залгах үгүй юм бол үр хүүхдээр ч яах юм
Үнэн, худлыг ялгахгүй юм бол багш ламаар ч яах юм
Иш нь үгүй юм бол сүх байгаад ч яах юм
Ир нь үгүй юм бол илд байгаад ч яах юм
Нум нь үгүй юм бол сум байгаад ч яах юм
Нууц нь үгүй юм бол төр байгаад ч яах юм
Унших нь үгүй юм бол ном хураагаад ч яах юм
Ухаантай нь үгүй юм бол олон түмэн нь яах юм
Алс хэт нь үгүй юм бол их санаагаар ч яах юм
Ард түмэн нь үгүй юм бол их мэргэдээр ч яах юм

Ертөнцийн шинэ 7 гайхамшиг

2007-07-17T19:17:00.005+08:00

Саяхан тодруулсан шинэ 7 гайхамшигууд

Хог хаягчдаас ангижирцгаая

2007-07-17T19:05:00.002+08:00

Наадмын уур амьсгал одоо ч үргэлжилсээр. Төв цэнгэлдэх хүрээлэнгийн эргэн тойрон наадмын
дараа хогоор дүүрэн харагдсан. Хэдхэн цагийн дараа бүртийх хоггүй болсон талбайг хараад үргэлж ийм цэвэр байдаг бол гэсэн бодол өөрийн эрхгүй төрсөн.

Наадмын талбайд очиж баярлахдаа Та ТҮК гэсэн бичигтэй ягаан өмсгөл өмссөн хүнийг харсан байх. Нийслэлийн Чингэлтэй, Сүхбаатар, Баянзүрх, Хан-Уул дүүргийн ТҮК-ийн ажилчид наадмын талбайд ажиллажээ. Хог яаж цэвэрлэдгийг, хоггүй байлгаж болдог жишээг энэ удаа харуулсан гэхэд болно.
Ажлаа хийж чаддаг нэгэн байхад алмайж суугаа нь ч байдаг бололтой.

Баянгол дүүргийн нутаг төмөр замын буудлын арын дүр зураг нэг иймэрхүү. Ганц үүгээр тэндхийн хог дуусахгүй. Зүүн тийшээ хэдхэн алхаад 67 дугаар байрны эргэн тойрныг хараарай. Үхсэн нохой, элдэв хоолны шавхаруу, цаас, үмхийрсэн хог. Ядаж байхад замын хашлагыг нь ховхлоод орхисон нь нэмрээс болжээ.

Хоггүй цэвэр орчинд ажиллаж, хогоо саванд нь хийж сурцгаая. Хариуцсан ажилдаа эзэн байж, хотоо хогноос нь салгах ажилдаа шамдая. Хогоо саванд нь хийж чадахгүй байгаа нөхдүүдийн зураг хөргийг олны өмнө гаргаж сурталчилъя. Хүн бүр дор бүрнээ хогоо саванд хийх л юм бол энэ бол хөрөнгө зараад байх ажил биш гэдгийг та бүхэн мэддэг бизээ.

Hi, all. this is my blog

2007-07-14T22:31:00.000+08:00

Bi ene blog-n talaar sayahan hudaldan avsan The earth is flat gedeg nomiig unshij baihdaa iluu olj medlee l dee. Tegeed l oortoo blog neeheer zorij, zorisondoo hurlee. :))
Bi ene nomniihoo talaar udahgui unshij duusaad iluu ihiig bichnee.